O VI Torneo de Tenis Concello de Ponteareas celebrouse este mes de setembro nas pistas da Freixa e do Reiro, e contou coa participación de 88 tenistas.
Os vencedores foron os seguintes:
En categoría senior masculina, Manuel Vázquez foi o campión gañando na final a Adrián Carrera.
En categoría feminina, a campiona foi Alejandra De Saracho ante Tere Lillo.
En cadete masculino, Jacobo Vilas venceu a Nicolás Duran.
O título en dobles masculino foi para a parexa formada por Marcos Feijóo e Oscar Fernández, que derrotaron a Oscar López e Octavio Fernández.
Tamén se entregaron trofeos aos primeiros e segundos clasificados dos cadros de consolación.
O pasado domingo 21 celebraronse os partidos das finais e ao remate dos mesmos realizouse a entrega de trofeos por parte do concelleiro de deportes, Alberto Novoa, acompañado polos directivos do club de Tenis de Ponteareas.