O Concello de Ponteareas a través da Concellería de Cultura que dirixe a nacionalista Hortensia Bautista convida a toda a veciñanza a participar nos actos da homenaxe a Castelao que están tendo lugar hoxe sábado 27 e mañá domingo 28 de xaneiro.
Dende as 11 horas polas rúas do centro urbano houbo Cantares do Cego con Tino Baz e ás 12:30 horas na avenida Castelao fronte ao Colexio Santiago Apostol ofrenda floral e descuberta da nova placa da rúa.
Mañá, domingo 28, ás 18 horas no auditorio municipal sesión de teatro para toda a familia coa obra “Pegadas de Castelao” da compañía Migallas.
Coa intención de homenaxear a este pensador, escritor e artista galego e de difundir a súa obra e todas as facetas a concellería de Cultura organiza diferentes actos para todos os públicos.
