A Concellería de Consumo do Concello de Ponteareas, a través da O.M.I.C. recomenda nas datas do entroido: precaución á hora de mercar o disfrace.
O primeiro a ter en conta é que, se o disfrace ou calquera dos seus compoñentes se están destinados a menores de 14 anos, son considerados xoguetes, polo que deberían amosar en castelán esta información no seu etiquetado, ou envase, e cumprir as normas seguintes:
-Marcado CE.
-Nome, razón social, marca e domicilio do fabricante o do responsable.
-Advertencias para evitar riscos, coma por exemplo: non indicado para menores de 36 meses e indicar o risco que conlevaría.
-A idade para o uso.
-Instrucións de uso, se fosen necesarias.
– Se son prendas de vestir, deben cumprir o rexistro industrial, a composición do produto e as recomendacións de lavado e conservación.
-Non conter pezas pequenas
-Non ter puntas ou bordos cortantes.
-Estar fabricadas con materiais resistentes ao lume.
-Non conter substancias que poidan explotar ou materiais que supoñan un perigo para a saúde.
– As máscaras deben dispor dunha ventilación adecuada.
-A vestimenta no pode levar nin cordóns, nin cordeis na zona da carapucha e colo.
– Os produtos cosméticos deben levar un control dermatolóxico adecuado e indicar os datos do responsable, caducidade, lote e compoñentes.
No caso de disfraces para adultos, tamén deben cumprir as normas sobre etiquetado do produto, a composición e a conservación
Recoméndase mercar disfraces que conteñan no seu etiquetado as indicacións de conservación, co fin de seguir as instrucións de lavado e mantemento correctas.
Para reclamar é necesario que conserve o tícket ou factura de compra e merque nun establecemento de confianza. Garde os catálogos comerciais e a publicidade do produto na que se definan as súas características.
Pregunte ao comerciante pola posibilidade de cambiar o produto.O establecemento non ten a obriga de cambiar o produto que esté en perfecto estado, salvo que así o anunciara.
Todos os comerciantes deben dispor de follas de reclamacións a disposición dos consumidores.
Segundo a Oficina de Atención ao Consumidor, é unha garantía escoller unha empresa adherida ao sistema arbitral de consumo.
Non hai que esquecer que calquera produto novo que se adquira, ten dous anos de garantía.
Dende a concellería de Consumo lémbrase que é posible presentar unha reclamación na OMIC do Concello de Ponteareas, sita no segundo andar da rúa de Oriente, número 8