O trío Los Tres Soles del Paraguay deleitarán ao público de Ponteareas e comarca este sábado, día 16 de agosto, ás 22:00 na Praza Maior cun concerto gratuíto que percorrera temas emblemáticos da musica latinoamericana e incluirá tres temas en galego en tributo a Galicia.
O grupo estará acompañado por dous invitados canarios, compoñentes do gurpo Quinegua de La Orotava, Tenerife, grazas aos cales resoará novamente en Ponteareas a música canaria, interpretada polos compoñentes orotavenses, membros do Patronato de Alfombristas de La Orotava, e visitantes da vila do Tea, grazas ao irmandamento entre Ponteareas e La Orotava, a cal se lle renderá homenaxe a través da música.
Este concerto de Los Tres Soles de Paraguay forma parte da xira do grupo, titulada “Viaje musical por Hispanoamérica”, no que o trío percorrerá toda España, no 50 aniversario da súa fundación, e que presentará novo disco despois do verán.
O edil de Cultura, Andrés Sampedro Fernández, anima a todos os veciños a asistir a este concerto gratuíto, exemplo do irmandamento da cultura de Galicia, La Orotava e de moitos paises hispanoamericanos, lugares de acollemento de moitos veciños de Ponteareas e comarca, como pode ser México.