Ponteareas acomete traballos de limpeza e desbroce nas pistas e camiños das 24 parroquias.

Os operarios do Departamento de Desbroces do rural do Concello de Ponteareas, que dirixe Domingos Freitas Dalmeida, están a punto de rematar cos labores de desbroce e limpeza das pistas municipais das 24 parroquias do concello. Desde hai uns meses, varias brigadas municipais están procedendo aos traballos de limpeza, mantemento e desbroce dos camiños e pistas tanto do centro urbano como do rural, así como dos torreiros, contornos das igrexas e áreas recreativas das parroquias.
Como todos os anos, dentro do Plan de limpeza e mellora dos camiños e pistas de Ponteareas, cúmprese, segundo o edil Domingos Freitas Dalmeida, o compromiso contraído coas diferentes asociacións veciñais en relación coas solicitudes sobre estes traballos tan necesarios, que están a punto de concluír, e que favorecerán o acceso de peóns e vehículos por estes viais, estimándose que se limparon máis de cen quilómetros de marxes de camiños e pistas de acceso.