Xuventude – OMIX
Rúa A Perillana 9-11 andar
Tel.: 672 105468
omix@ponteareas.es
Horario: de uns a venres (agás festivos), de 7:30 a 21:00 horas.
Sabados: de 11:00 a 14:00h
A vila de Ponteareas dispón dunha Oficina Municipal de Información Xuvenil ( OMIX ) situada na Biblioteca Municipal de Ponteareas e que foi creada no ano 1996, contando co seu correspondente número de rexistro na Rede Galega de Información e Documentación Xuvenil.
A Oficina Municipal de Información Xuenil (OMIX) actúa como un punto de información sobre os recursos dispoñibles en materia de mocidade.
Este servizo pretende orientar e asesorar aos mozos/as do Concello de Ponteareas en diferentes eidos do seu interese, fomentando asi o seu protagonismo no desenvolvemento da nosa comunidade.
A través deste servizo municipal preténdese o levar adiante un programa de actividades de dinamización e formación xuvenil que incida especialmente nos seguintes ámbitos:
- Utilización das novas tecnoloxías por parte da xuventude.
- Fomentar as actividades formativas e educativas no ámbito do ocio e do tempo libre.
- Tramitar o Carné Xove destinado a mocidade con idades comprendidas entre os 12 e os 30 anos.
- Información sobre os diferentes tipos de campamentos xuvenis da Xunta de Galicia, Deputación, etc.
OBXECTIVOS:
Os principais obxectivos da OMIX son:
- Artellar un servizo de información e orientación que favoreza o acceso aos recursos sociais, culturais, económicos, da poboación con idades comprendidas entre os 12 e os 30 anos.
- Fomentar a participación dos nosos mozos na vida cultural e social de Ponteareas.
Na OMIX podes atopar información sobre :
Estudos e formación: información sobre cursos de formacións das administracións públicas.
Asociciacionismo xuvenil: asesoramento para a creación e o mantemento das asociación s xuvenís.
Difusión sobre actividades e ofertas de carácter cultural, deportivo, social, educativo, etc.
CARNÉ XOVE EURO
Pódese conseguir ou renovar o Carné Xove na propia OMIX de Ponteareas. Esta tarxeta persoal ofrece numerosas ventaxas tanto en territorio nacional como no extranxeiro as persoas con idades comprendidas entre os 12 e os 30 anos.
Este carné ten un periodo de vixencia de dous anos e o seu custe e de 6 €.