Os 50 rapaces inscritos, de entre 3 e 12 anos, comezaron hoxe as actividades previstas para a primeira quenda, que durará até o vindeiro 15 de xullo e que permitirá que os cativos poidan achegarse ao eido da cultura castrexa dunha maneira divertida, tentando espertar o seu interese por un estilo de vida tan distinto do actual.
O campamento está a ser un auténtico éxito de participación, pois para a primeira quenda, con 50 prazas dispoñibles, houbo 82 solicitudes, e para a segunda, con outras 50 prazas dispoñibles, houbo 62 peticións.
Aínda é posible inscribirse nas dúas quendas previstas para o mes de agosto. Todos aqueles pais e nais interesados deben dirixirse ao departamento de Ensino do Concello de Ponteareas ou chamar o número de teléfono 673 794 880.
Nesta ligazón é posible consultar o programa previsto para cada unha das quendas.