O Concello, a través da concellería de Xuventude, abre o prazo para participar no concurso Talento Xove.
A administración local é consciente da importancia que ten facilitar váis polas que poida manifestarse a actividade artística individual e colectiva da xuventude de Ponteareas. O que se pretende desde o concello é estimular a mocidade da vila e actuar ocmo canle de difusión das súas inquedanzas artísticas.
Esta actividade vai dirixida á mocidade residente na vila ata os 30 anos inclusive, que poderán apuntarse ata o día 15 de marzo inclusive.
A inscrición realizarase cubrindo a ficha na oficina da OMIX, situada na biblioteca municipal ou mediante o envío dun correo electrónica ao enderezo xuventude@ponteareas.gal, nos centros escolares ou demais escolas que así o soliciten se lles facilitarán as fichas de inscricións.
Rematado o prazo de inscricións elvaranse a cabo as fases de preselección e fases finais de cada disciplina no prazo máximo de 90 días.
As categorías son as seguintes:
Categoria infantil nacidos en 2012 ata o 2018
Categoria cadete nacidos 2006 ata o 2011
Categoria xuvenil de 1994 ata o 2005
no caso de non ter cinco ou máis participantes por categoría a organización poderá unificar nun categoría ou en dúas.
As disciplinas son as seguintes:
Artes plásticas: Coas modalidades de pintura e escultura. As obras serán orixinais e o tema e as técnicas serán libres.
Arte urbana: As obras serán orixinais, inéditas e, de ter texto, este estará en galego. o tema e a técnica serán libres.
Banda deseñada: As obras serán orixinais e inéditas, de temática libre e con textos en galego. A técnica pode ser calquera, en branco e negro ou en cor. A obra presentarase en formato dixital (A4 ou A3) ou en método tradicoinal e a extensión mínima terá que ser de unha páxina e máxima de tres.
Cociña: As receitas poderán ser individuais ou en parella, admintíndose unha receita por participante (sexa individual ou en parella). Pode tratarse dun prazo salgado ou doce.
Danza moderna: Coas disciplinas de danza contemporánea, danza urbana, jazz-lírico e danza experimental. De forma individual ou en grupo (mínimo de dúas persoas e máximo de 30). A duración da actuación non pode superar os cinco minutos e a coreografía debe ser inédita.
Fotografía: As obras serán orixinais. O tema e as técnicas serán libres. Unha ou varias fotografías, ata un máximo de 6, en cor ou en branco e negro. As obras orixinais serán requiridas ás persoas participantes, só no caso de que fosen seleccionadas para a exposición final ou se a comisión de selección o estima necesario.
As fotografías teñen que ter a autorización de dereitos de imaxe en caso de que a necesite.
Música: Solistas e grupos de pop, folk, rock, hip-hop e demais variedades de música contemporánea e clásica
Novela curta: A obra será orixinal, inédita e en galego. O tema será libre. Por escrito ou a ordenador, en tamaño 12, tipografía arial e a dobre espazo. Terá unha extensión mínima de tres follas e máxima de 10.
Moda: As coleccións deben ser orixinais e coherentes, con modelos de home ou muller. Será necesario definir o tecido utiilzado e os complementos para cada un dos modelos presentados. Presentarase estes deseños en formato dixital ou en láminas DIN A-3 con deseño de fronte e de costas.
Poesía: A obra será orixinal, inédita e en galego. O etma e a técnica serán libres. A obra realizaráse a ordenador, en tamaño 12 e a dobre espazo. Terá unha extensión mínima de 10 versos.
Podes consultar máis información aquí: TALENTO XOVE_240117_164947 (2)