Mañá ás nove horas arranca o I Torneo Internacional MS2 Cup (Michel Salgado) que terá lugar do 15 ao 25 no campo municipal de Pardellas nas categorías de prebenxamín, benxamín, alevín, infantil e cadete.
No campo veránse as caras o Celta de Vigo, o Deportivo da Coruña, o Porto (Portugal), do Spanish Soccer School (Dubai), o Lugo, o Pontevedra, o Lérez, o Victoria de Santiago, do Val Miñor, o Oroso de Santiago, do Choco, o Vila do Corpus, o Porriño Industrial, o Santa Marina e o Rápido de Bouzas, entre outros equipos chegados de todo o territorio galego e de distintos estados do estranxeiro, ademais dos nosos equipos ponteareáns.
O día 25 de agosto os espectadores gozarán do espectáculo do fútbol cun Celta de Vigo-Deportivo da Coruña na categoría de veteranos.
As finais serán os días 18, 24 e 25 dependendo da categoría.
Por outro lado, por segundo ano consecutivo o alumnado da escola de fútbol MS2 que dirixe Michel Salgado adestra xa a diario no campo de Pardellas.
O concello de Ponteareas a través da concellería de Deportes en colaboración co resto das concellerías colaborará no desenvolvemento deste torneo que congregará a centos de cativos e cativas chegados de distintos puntos do mundo.