Rafael Sánchez Bargiela, xerente da Sociedade Anónima de Xestión do 
Plan 
Xacobeo, deu lectura este sábado pasado ao Pregón das Festas do Corpus Christi 2014, acto que abre a festa máis representativa de Ponteareas. No seu Pregón agradeceulle ao Concello de Ponteareas a invitación para esta encomenda tan importante, como é a de ser o pregoeiro da festa do Corpus Christi, a máis senlleira e a de carácter de Festa de Interese Turístico Internacional, facendo un percorrido por feitos que foron decisivos para a festa ponteareá, como foi a alfombra realizada co gallo da visita da súa Santidade o Papa Xoán Paulo II a Santiago de Compostela. Así mesmo, lembrou a súa estadía en Ponteareas, onde desenvolveu o seu traballo profesional como director da Biblioteca, Museo e Arquivo Municipal durante anos e onde profundizou no coñecemento desta festa, á cal xa acudía de neno cos seus pais e que sempre o engaiolou. Destacou tamén e, sobre todo, o traballo anónimo e desinteresado dos alfombreiros e alfombreiras de Ponteareas, os verdadeiros artífices da festa e os que fan posible esta fermosa manifestación de arte efémera. O acto contou con belas interpretacións musicais no que os pianistas engailaron ao público ao acto.
Ao mesmo tempo, José Guillermo Souto Souto, fotógrafo ponteareán que leva plasmado Ponteareas e o Corpus Christi ao longo de todo unha vida, foi obxecto dunha homenaxe na que se recolleron fotos de distintas épocas de Ponteareas e do Corpus, algunhas das cales poden contemplarse na recepción do Auditorio Reveriano Soutullo, baixo o título “Historia viva de un fotógrafo de calle”.