A concellaría de Mocidade de Ponteareas, que dirixe Miguel Bouzó, ten programada para este sábado unha actividade de patinaxe libre no Complexo Deportivo Álvaro Pino.
Esta actividade, que se celebrará dende as 20 horas, forma parte do programa “Mocidade Viva”, un programa estábel de actividades lúdicas e formativas dirixidas á mocidade, ofrecéndolles espazos de lecer e socialización seguros e saudables.
A concellaría convida a toda a mocidade a coller os seus patíns e gozar libremente da patinaxe, nunha actividade que se levará a cabo cumprindo as distancias e normativas de seguridade sanitaria.