A Concellería de Educación do Concello de Ponteareas, que dirixe a Tenenta de Alcalde Cristina Fernández, vén de actualizar a base de datos dos “recursos lúdicos e educativos” con novas propostas de entretemento dirixidas non só aos máis cativos e cativas dos fogares, tamén aos adultos para posibilitar o xogo en familia e de xeito individual. Para esta fin de semana as familias atoparán propostas de cine e cociña e cociña en familia.
Periodicamente a concellería de Educación, en colaboración coa mestra Susana Lamela, actualiza esta ferramenta que toda a cidadanía pode atopar na páxina web do Concello http://ponteareas.gal/xiralda/uploads/2020/03/Recursos-educativos.pdf
Apps de xogos para IOS, Android e On Line, vídeos e enlaces a páxinas de interés axudarán a sacarlle o máximo partido a este tempo de permanecer nos fogares.
Aprender xogando é o obxectivo desta iniciativa da Concellería de Educación que pretende ser un complemento didáctico para o tempo de lecer, ao marxe das tarefas pautadas polo profesorado para todo o alumnado.