O Goberno tamén desminte ao Partido Popular e afirma que non existe ningunha privatización do servizo.
A proposta que levou a Concelleira de Ensino, Cristina Fernández, ao Pleno Municipal do pasado 19 de xullo, introducía modificacións en prol de facer máis accesible a Escola de Música “Vila do Corpus” para as familias de Ponteareas e comarca, así como tamén reorganizar as materias a impartir, o tempo de duración das clases e concretar a idade mínima de inicio na Escola.
A concelleira saíu ao paso das acusacións do Partido Popular sobre o incremento das taxas e de privatización, “mentiras dos concelleiros do PP para xustificar o seu voto en contra e para danar ao Conservatorio”, manifestou Cristina Fernández, quen explicou que a proposta aprobada foi proposta tendo en consideración o seguinte:
- Baixada de alumnado que se leva producindo nos últimos cursos escolares grazas, entre outras, a subida desorbitada das taxas aprobada por PP e ACIP no ano 2012. No pasado 2015/16 estaban matriculados 5 alumnos de 4 e 5 anos.
- Informe da Dirección do Centro, despois de chegar a un consenso da proposta co Claustro de Profesorado, Consello Escolar e ANPA “Adagio”; e coa Comunidade Educativa en xeral. Nestas reunións optouse por fixar a idade de acceso á Escola de Música nos 6 anos, adaptando os horarios a esta etapa e así frear a perda continua de alumnado.
- O Informe da Dirección tamén fai referencia a que o profesorado que impartía formación aos máis pequenos ata o momento, aínda que si ten titulación suficiente, non é a específica que sería aconsellable para atender ao alumnado na franxa de idade dos 4-5 anos.
O Goberno, dada a situación económica na que se atopa o Concello de Ponteareas, non pode incrementar os gastos en profesorado especializado a fin de ofertar estudos musicais para alumnado menor de 6 anos. Lembrar que no ano 2015 o Conservatorio tivo un déficit de 268.731,50 €, que xa está contemplado tamén nos orzamentos que se acaban de aprobar para 2016.
A concelleira de Ensino desminte a afirmación sobre a privatización para as idades de 4 e 5 anos, indicando que no Conservatorio Municipal “Reveriano Soutullo”, non se fará ningunha actividade privada máis alá de actividades puntuais e de colaboracións como ten sucedido nos últimos cursos para incentivar distintas experiencias musicais. Actividades que enriquecen a vida cultural e musical do alumnado do Conservatorio e da veciñanza en xeral.
Achégase cadro comparativo dos novos prezos públicos con respecto aos últimos cursos. Neste cadro pode comprobarse que non hai suba das taxas e que a taxa aprobada no Pleno deste martes está feita en base ao cálculo proporcional do tempo de impartición das distintas materias de feito que quen teña as mesmas horas que o último curso paga ou mesmo
CADRO COMPARATIVO DOS PREZOS PUBLICOS NA ESCOLA DE MUSICA “VILA DO CORPUS”
Ata 2015-16 | CURSO 2016/17 | |||
Cursos/Materias | Duración das clases/Semana | PREZO | Duración das clases/Semana | PREZO |
Desde 6 anos
Preparatorio 1 |
120 minutos | 30,35 € | 60 minutos | 12,63 € |
Desde 7 anos
Preparatorio 2 |
150 minutos | 30,35 | 90 minutos | 18,21 € |
Desde os 8 anos
Cursos de Música |
210 minutos | 30,35€ ata 18 anos
50,65 Mais de 18 anos |
180 minutos | 26,01 € |
Só Instrumento DESDE OS 12 ANOS | Non existía | 1 hora |
30,35 € |