A concellería de Deportes, que dirixe Nahir Covelo, informa que a academia de pádel de Ponteareas convida a toda a cidadanía a súa semana de portas abertas na que todos e todas as participantes poderán aprender as primeiras nocións de pádel.
Do 20 ao 24 de xaneiro a academia de pádel de Ponteareas acollerá a todas e todos os interesados no complexo deportivo Álvaro Pino donde deberán tamén inscribirse a través da súa páxina web www.complejodeportivoalvaropino.com ou no número de teléfono 695 070631.
O pádel é un deporte para tódalas idades que axuda a liberar o estrés, mellora a coordinación e reflexos, tonifica a musculatura, axuda a fortalecer o corazón e que se pode practicar de xeito individual ou en parella ben baixo pista cuberta ou ao aire libre.