E chegamos ao último día da VI edición do FESTIVAL GROBA 2018 que será hoxe venres 24 ás 21:00 no Auditorio Reveriano Soutullo.
Tras o íntimo concerto de cámara ofrecido polo Cuarteto Ophir no Salón de Plenos do Concello de Ponteareas, volve a Orquestra de Cámara Galega para ofrecer unha nova estrea mundial da obra do Mestre Groba, Sinfonieta Rococó en re, baseada nun canto popular galego. Foi composta no ano 2013 para unha formación de corda e ventos.
Ademáis da obra do Mestre Grobra, a Orquestra e Cámara Galega interpretará a Sinfonía nº 8 kv 414 de W. Herzchell e compretará o programa o pianista italiano Sandro D’Onofrio cun concerto para piano nº 13 de W.A. Mozart.
Este festival tivo tres claros protagonistas: as estreas de diversas obras do Mestre Groba, a voza través do magnífico Coro de Cámara de Pamplona e o metal, có máximo exponente mundial da trompeta, o gran Pacho Flores.
A organización do festival agradece a confianza que, ano tras ano, veñen demostrando a Xunta de Galicia, a Deputación de Pontevedra e o concello de Ponteareas.
“Para nós, a finalización dun Festival significa o comenzo do traballo para a seguinte edición, así, estamos xa pensando nas posibilidades de incorporar novos proxectos, disciplinas … sempre en constante evolución e crecemento”.
O concello de Ponteareas e a organización agardan que disfruten co último concerto desta VI edición do FESTIVAL GROBA, un festival único, adicado á música clásica que pon Galicia no mapa cultural internacional poñendo en valor o noso patrimonio musical e os nosos valores culturais.