O goberno de Ponteareas colabora coa Asociación de Cancro de Mama Pilar Domingo que celebra a terceira andaina solidaria este sábado día 20 de outubro.
Con motivo do día mundial do Cancro de Mama, a concellería de Sanidade que dirixe Vanesa Fernández colabora coa asociación Pilar Domingo na realización desta andaina solidaria que sairá da praza Maior ata a Freixa para regresar de novo e desfrutar das diferentes actividades organizadas. Policía Local e Protección Civil velarán pola seguridade nos cruces e percorrido e a concellería aportará as camisetas rosas que vestirán os participantes.
A concelleria tamén convidou a todos os centros educativos para facer extensible esta actividade a toda a comunidade escolar.
Ademais a organización contará este ano co apoio dos colectivos deportivos que acudirán ataviados coas súas respectivas equpacións.
A partir das 17:00 horas o comunicador ponteareán Terio Carrera dará a saída dende a praza Maior para rematar practicando zumba con Inma Vilaboa.