Este xoves, 20 de febreiro, ás 11:00 h. no Salón de Plenos do Concello de Ponteareas, tivo lugar a presentación do VI Premio de Investigación Fermín Bouza Brey. A este acto asistiron o alcalde de Ponteareas, Salvador Gonzalez Solla e o concelleiro de Cultura Andrés Sampedro Fernández.
Este premio, que está dotado con 3.000 euros, lembra o nacemento na vila de Ponteareas do ilustre poeta e polígrafo D. Fermín Bouza Brey.
O concelleiro de Cultura, Andrés Sampedro Fernández, aposta por promover a investigación científica sobre Ponteareas e a comarca do Condado. Ademais hai que ter en conta que premios desta temática quedan moi poucos en Galicia.
O prazo para presentar os proxectos de investigación remata o 30 de abril de 2014.
Para calquera información, os interesados poden dirixirse ao Museo Municipal de Ponteareas, rúa A Perillana 9/11 – 36860 Ponteareas, chamando ao número de teléfono 672 105 468 ou no seguinte enderezo electrónico: bibliotecamuseo@ponteareas.es