O Concello conta cun mestre composteiro municipal ao abeiro do Plan Revitaliza da Deputación de Pontevedra
Ponteareas continúa coa súa aposta pola compostaxe no municipio. A través do Plan Revitaliza da Deputación de Pontevedra, o Concello conta cun mestre composteiro propio para atender aos centros de compostaxe comunitarios e colaborar co departamento de Medio Ambiente que dirixe Rosa Covelo na xestión de residuos.
A aposta pola compostaxe e a reciclaxe dos residuos do Concello ten por obxectivo “un tratamento sostible, ecolóxico e eficiente dos resiudos, ao tempo que reducimos a cantidade de lixo que Ponteareas xera para o seu tratamento en planta, que representa un importante custe anual”, explica Covelo.
Este mestre composteiro foi contratada dentro das subvencións da Deputación de Pontevedra destinadas aos concellos adheridos ao Plan Revitaliza e que supón o financiamento ao 100% do traballo do técnico durante o segundo semestre de 2021.