Ponteareas recibe aos nenos e nenas saharauis

O alcalde de Ponteareas, Xosé Represas, e a tenente de alcalde e concelleira de Ensino e Eventos, Cristina Fernández, recibirón hoxe no salón de plenos da Casa do Concello aos nenos e nenas que pasarán o verán en Ponteareas grazas ao programa “Vacacións en paz” promovido pola asociación Solidariedade Galega co Pobo Saharaui.

Ata o mes de setembro vivirán con familias pontearéas ás que alcalde e tenente de alcalde agradecen a súa xenerosidade.

Grazas á colaboración destas familias este verán seis nenos e nenas chegados dos campamentos saharauis desfrutarán de dous meses na nosa vila. Esta iniciativa de Solidariedade Galega co Pobo Saharaui permite, cada ano, que estas dúas culturas sigan a ser irmás”, explica Cristina Fernández.

Pola súa banda, o alcalde Xosé Represas adianta que nestes días procederase á sinatura do convenio que, como cada ano, contribúe a que este intercambio sexa posible e reforza o espírito solidario tanto da asociación como das familias.

Conchi Fernández, delegada de zona da asociación, agradece a colaboración do concello e das familias acolledoras e agarda contar para o vindeiro ano con máis familias para que máis nenos e nenas poidan desfrutar dunhas vacacións en paz. Os e as interesadas en participar deberán porse en contacto coa asociación no número de teléfono 986 262 637.