Ponteareas presentou en Fitur o primeiro paquete turístico “Especial Corpus Christi Ponteareas”

O alcade do Concello de Ponteareas, Salvador González solla, xunto co edil de Cultura e Turismo, Andrés Sampedro Fernández, presentaron en Fitur onte pola tarde o primeiro paquete turístico “Especial Corpus Christi Ponteareas”.

Fitur- MediosÁs cinco da tarde e tras a presentación da directora xeral de Turismo, Mª. Nava Castro Domínguez, o alcalde de Ponteareas e o edil de Cultura e Turismo, a través do vídeo titulado  “Ponteareas en flor” amosaron as excelencias do noso municipio aos visitantes, e deron a coñecer unha novidade que será unha medida importantísima para difundir, máis se cabe, a nivel nacional o Corpus Christi, Festa de Interese Turístico Internacional e que pode significar que a vila do Tea se convirta en destino turístico singular. Trátase do primeiro produto turístico, que baixo o lema “ Especial Corpus Christi Ponteareas”, será comercializado polo maiorista de viaxes Interrías, e que consistirá nun paquete turístico de seis días, do 16 ao 22 de xuño, onde a estrela será a visita a Ponteareas para vivir de primeira man e mesmo participar da experiencia da confección das alfombras de flores de Ponteareas, do Corpus Christi, experiencia inolvidable e atractiva, ademais de completarse coa visita ao Castelo de Sobroso, o Castro de Troña ou o Convento de Canedo, para adentrarse en diferentes épocas da nosa historia, a través dos xacementos e dos castelos, nun contorno de incomparable beleza paisaxística. Este paquete turístico atractivo compleméntase coa visita á Santiago de Compostela, cidade Patrimonio Cultural da Humanidade, ou ás Illas Cíes, integrante do Parque Nacional das Illas Atlánticas, Vigo, Baiona, ou Tui, así como á vila portuguesa de Valença do Minho.

Como colofón, o alcalde de Ponteareas e o concelleiro de Cultura e Turismo convidaron os asistentes á degustación das tradicionais rosquillas de Ponteareas.

Video presentación