Ponteareas homenaxeará ao mestre Reveriano Soutullo con motivo do noventa aniversario do pasodobre Ponteareas cunha ofrenda floral nos xardíns da Xiralda e un concerto no auditorio municipal a cargo da banda de música Reveriano Soutullo.
Organizado polo concello en colaboración coa Fundación Reveriano Soutullo Otero, este domingo 20 de outubro a concellería de Cultura convida a toda a cidadanía á homenaxe deste mestre que chegou a compor máis de 200 pezas para banda de música durante os seus primeiros anos de vida de compositor (1900-1915). Continúo a súa traxectoria coa dirección artística da editorial La Casa editorial Alier e a composición de toda clase de obras, algunhas delas publicadas con pseudónimo para banda, orquestra, quinteto e piano, ademais de compor para teatro acompañando as súas partituras ás obras máis exitosas da época. Tivo a súa propia editorial musical e fixo grupo con Juan Vert compondo éxitos recoñecidos polo público e pola crítica. Inquedo e vital, Reveriano Soutullo Otero naceu en Ponteareas no 1880 e finou en Madrid no 1932.