O novo Parque Urbano Forestal de Ponteareas ubicarase nunha parcela existente na rúa Trovador Xoán García de Guillade e contará cunha superficie aproximada de 4.500 m2, que xunto co espacio que ocupará a nova escola infantil suman unha superficie de 7.000 m2.
Este Parque destaca pola súa inmellorable situación nas proximidades do actual centro urbano de Ponteareas (a menos de cinco minutos andando) e pola súa centralidade no futuro desenvolvemento urbano do núcleo.
A parcela conta cunha importante e rica masa arbórea de especies autóctonas que o concello quere poñer en valor, dado o seu gran potencial paisaxístico, educativo e de ocio, poñendoo a disposición dos seus habitantes.
O atractivo natural co que conta a parcela, así como a súa cercanía para unha importante masa de poboación, fan que este lugar sexa o mais axeitado para a instalación deste espacio de ocio en contacto coa natureza.
O proxecto encádrase dentro dun programa de actuacións previsto polo Concello de Ponteareas encamiñados a posta en valor de espacios destinados ó uso público para o recreo e o ocio dos veciños e veciñas do Municipio.
Este parque xunto co das Pombas, Perillana, Parque de San Roque, Parque da Concordia, Parque Conservatorio, Parque Manuel Rodriguez, …, e xunto con outras superficies de esparcemento, como son as prazas públicas do casco urbán, incrementa e complementa o deficit importante de zonas verdes existentes para unha poboación aproximada de 13.000 habitantes que residen no núcleo urbano.
Un Parque Urbano Forestal, natural, cómodo e seguro para o disfrute de toda a poboación, especialmente da infantil e xuvenil que conlevará entre outras actuacións:
– A conservación do peche existente, manténdose o peche de postes de granito existente no perímetro do parque polo seu valor como elemento tradicional da arquitectura da zona e pola composición paisaxística que conforma xunto con árbores autóctonos existentes na parcela principalmente no lindeiro noroeste.
-Accesos:
- Disporá dun acceso principal dende a rúa Trovador Xoán García de Guillade.
- Tamén outro acceso secundario que conectará co espacio verde previsto no futuro desenvolvemento urbano da zona.
- E finalmente outro acceso a través do Paseo Matutino, mantendo o existente na parcela.
-Zona de Xogos:
- Zona de Xogos Infantís, destinada a nenos de corta idade, na que se ubicarán distintos elementos e xogos adecuados para eles, en madeira, de forma que armonicen co entorno natural. Para minimizar o impacto visual se protexerá cun talud de terreo natural que delimitará o espacio.
- Zona de Xogos Naturais. Destinada a nenos de mediana idade e adultos, na que se ubicará unha serie de xogos naturais vinculados á vexetación existente, formando recorridos con pasos de tocons, pontes tibetanos, pasarelas de cordas e outros elementos silmilares.
- Zona de Estancia. Vinculada á zona de xogos infantís se plantexa unha zona de estancia que servirá como lugar de estar, encontro, lectura, relación e disfrute para os usuarios do parque.
- Zona de Auga. Construirase unha lámina de auga vinculada ó camiño principal e como elemento de separación coa parcela contigua, destinada á futura Escola Infantil. Aproveitando o desnivel do terreo, a auga dos surtidores discurrirá sobre o pavimento de adoquíns instalados. No caso de non estar funcionado o sistema de bombeo de auga, servirá de bancada ante posibles acontecementos musicais, deportivos, etc,… que se poidan desenvolver nesa zona do parque.
- Reserva dun espacio para a posible construcción dun local en concesión que dé servicio os usuarios do parque.
Este Proxecto dun importe aproximado de 180.000 euros atópase nestes momentos en licitación, a espera de adxudicación,polo que o Goberno local amósase satisfeito porque estamos ante unha obra moi importante para este Concello.