Este xoves, ás 18:00 horas, os nenos e nenas de Ponteareas poderán gozar dun obradoiro de contos, a través de imaxes, a cargo da ilustradora Noemí López, no que se poderá crear un conto con imaxes que axudarán a crear e imaxinar o conto. Esta actividade está organizada polo Servizo de Normalización Lingüística do Concello de Ponteareas e programada dentro do programa da Xunta de Galicia “Ler Conta Moito”, dentro das actividades de animación á lectura.
Este obradoiro levarase a cabo na Biblioteca Pública Municipal e está dirixido a nenos de catro anos en diante.