O Concello de Ponteareas consternado ante o falecemento do Oficial Xefe da Policía Local, Benigno Moldes

O Concello de Ponteareas, a través da súa alcaldesa Cristina Fernández Davila, amosouse profundamente consternado polo falecemento repentino, no día de hoxe, do Oficial Xefe da Policía Local, Benigno Moldes Álvarez.

A rexedora fixo chegar á familia e amigos de Benigno Moldes o seu pésame e as condolencias da Corporación Municipal e dos empregados e empregadas municipais polo seu pasamento.

Asemade, trasladou o seu apoio e solidariedade á súa familia neste momento de dor e tristura.

O Concello convocou para mañá ás 12 do mediodía diante da Casa do Concello un minuto de silencio en memoria de Benigno Moldes.

O Oficial Xefe da Policía Local, Benigno Moldes Álvarez, nunha charla sobre o modelo de mobilidade de Ponteareas dada hai uns días.