A peza que retrata a vida de Luz Fandiño proxectarase este venres 27 de maio
O Ciclo Mestre Mateo de cine, que promoven conxuntamente a Academia Galega do Audiovisual e a Deputación de Pontevedra, leva este venres “A poeta analfabeta” a Ponteareas.
O documental de Sonia Méndez retrata unha muller fascinante: Luz Fandiño. Poeta, activista, feminista, nacionalista e revolucionaria. Aos seus 88 anos, Luz é testemuña viva das realidades máis duras do século XX.
“As persoas asistentes á proxección poderán ver unha muller brava, unha persoa profundamente política e un ser cunha humanidade excepcional”, indicou o concelleiro de Cultura, Fernando Groba.
A proxección terá lugar a partires das 20:00h no Auditorio Municipal de Ponteareas. A entrada é libre e gratuíta ata completar aforo.