O próximo sábado, día 22 de febreiro ás 21:00 h., o auditorio Reveriano Soutullo acollerá a entrega de diplomas dos cursos desenvolvidos ao longo do ano 2013 nos centros culturais e locais sociais de Ponteareas.
Ao longo do ano 2013, desenvolvéranse cursos nos seguintes centros culturais: Centro Cultural de San Lourenzo de Oliveira; Centro Cultural San Nicolás de Prado; Centro Cultural de Angoares; Casa Cultural de Arcos; Centro Cultural “Os Muíños” de Santiago de Oliveira; Teleclub de Pías; Centro Cultural Antorcha de Cristiñade; Casa dos Comuneiros de Fontenla; Centro Cultural de Santiago de Oliveira; Centro Cultural de San Mateo de Oliveira; Centro Cultural de Cumiar; Centro Cultural San Martín de Moreira; Central Cultural de Ribadetea; Centro Cultural de Guillade; Centro Cultural de Bugarín; Asociación Artístico Cultural de Guláns; Centro Cultural O Coto de Padróns , Centro Cultural Tempo de Lecer de Nogueira, Centro Cultural de Fozara, Centro Cultural de Xinzo, Centro Cultural de Couso, Teleclub da Hermida (Pias) e Centro Cultural das Cortellas e Centro Artístico Sportivo de Ponteareas.
Con esta iniciativa, que empezou a funcionar fai un par de anos, o Concello de Ponteareas ofertou aos centros culturais de Ponteareas 25 cursos diferentes que foron programados en duas quendas; de febreiro a xuño, e de xullo a decembro.
Fruto dese compromiso acadado cos centros culturais de Ponteareas e da boa acollida deste cursos por parte dos/as veciños/as das parroquias será a entrega de preto de 600 diplomas nese acto, que terá lugar o sábado, e que contará coa actuación do humorista Somoza.