O Concello de Ponteareas está preparando a presentación perante o Servizo Público de Emprego das ofertas correspondentes para a contratación de traballadores o amparo do Segundo Plan Provincial de Emprego da Deputación Provincial, neste ano.
Para este segundo plan está previsto a contratación laboral de dezasete traballadores, para a prestación de determinados servizos ou executar obras esenciais para a comunidade, nas categorías de peóns en xeral e peóns de vías e obras.
O alcalde Salvador González destaca a importancia deste novo proxecto dado que “se enmarca nunha nova acción de fomento do emprego por parte do concello, que servirá para a realización de traballos e a prestación de servizos de interese xeral ou social”
Pola súa banda a Concelleira de Emprego e Desenvolvemento Local, Marisol Valado, subliñou a importancia deste segundo plan, “que non só dará continuidade aos servizos iniciados polo concello cos traballadores do primeiro plan, senón que fomentará a empregabilidade, obxectivo prioritario desta concellería”.
O perfil dos traballadores que sexan contratados será: desempregados maiores de trinta anos, preferentemente non perceptores de prestacións, ou perceptores de prestación sociais destinadas a garantir os recursos económicos mínimos (RISGA), inscritas no Servizo Público de Emprego de Galicia (SEPE) como demandantes de emprego, non ocupados e que estean dispoñibles para o emprego no momento da selección e da firma do contrato.
Unha vez recibidos os listados de candidatos do SEPE, farase a súa valoración según os criterios que estarán a disposición dos interesados na páxina web do concello, nos taboleiros do Centro de De Desenvolvemento Local, así como no seu facebook.
Todas aquelas persoas que participen nos procesos selectivos abertos a raíz da presentación das ofertas no SEPE e non acaden unha contratación, terán a súa disposición o servizo de orientación do Centro de Desenvolvemento Local (986661050) para asesorarlles e axudarlles a articular a busca de traballo nas mellores condicións posibles de forma personalizada, ofrecéndolle todo tipo de información sobre posibilidades de emprego.