Dende a Concellería de Comercio, que dirixe Marisol Valado, estase a traballar para habilitar un novo espazo dentro do mercado ambulante, que se recollerá na ordenanza municipal e que estará adicado a unha nova liña comercial de venda de artesanía, artigos de segunda man e antigüedades, así como tamén se contemplará a posibilidade de autorizar, para algún destes sábados, a veciños e veciñas de Ponteareas, para que poidan trocar ou vender a un mínimo coste artigos en desuso do fogar.
Esta iniciativa xurde da asociación de comerciantes Tea, como unha fórmula de potenciar e facer máis atractivo o mercado, así como todo o sector comercial de Ponteareas; para elo levaron a cabo varias reunións coa concelleira, coa asociación de hostelería e cargos políticos do Concello, recibindo de todos o seu apoio e interese, para darlle forma a dita iniciativa. Tamén foi levado á mesa local de comercio, onde acadou os votos a favor.
Este mercado realizarase todos os primeiros sábados de cada mes e contará cunha ubicación diferenciada, dentro do contorno do mercado ambulante.
Os interesados deben facela petición por rexistro do Concello, así como adxuntar a documentación necesaria e a correspondente pago da taxa municipal. Poderán ter máis información no teléfono do Concello, 986640000 ou no correo electrónico atencionprimaria@ponteareas.es