Os alumnos da Escola de Música “Vila do Corpus” tocarán o xoves 18 de xuño e os estudantes do Conservatorio Profesional ofrecerán o seu concerto o venres 19 de xuño
O Auditorio Municipal Reveriano Soutullo será testemuña dos concertos de fin de curso que ofrecerán os alumnos da Escola de Música “Vila do Corpus” e os pupilos do Conservatorio Profesional.
Os primeiros en facelo serán os alumnos da Escola de Música, que presentarán o seu recital o xoves, 18 de xuño, a partir das 20:00 horas. Un día despois será a quenda dos estudantes do Conservatorio Profesional, que tamén comezarán a partir das 20:00 horas.
O concerto do venres, ofrecido polos alumnos do Conservatorio Profesional, tamén servirá para facer a entrega dos certificados a todos aqueles discípulos que teñan superado o cuarto curso de Grao Elemental, ademais de para obsequiar cunha orla, por primeira vez dende que existe o Conservatorio, aos alumnos que rematen este ano o sexto curso de Grao Profesional.
A entrada será gratuíta para ámbolos dous concertos.