O Convento de San Diego de Canedo acollerá este xoves, 20 de novembro, diversos actos dentro do VIII Centenario da Peregrinación de San Francisco de Asís a Compostela. Entre eles, celebrarase un concerto na igrexa do convento franciscano deSamuel Diz, destacado guitarrista tudens, comprometido coa recuperación e dinamización do patrimonio musical galego.
Con anterioridade, ás 20:00 horas, Rafael Sánchez Bargiela, director-xerente da S.A. de Xestión do Plan Xacobeo, inaugurará xunto ao alcalde de Ponteareas, Salvador González Solla, e o concelleiro de Ensino, Cultura e Turismo, Andrés Sampedro Fernández, a exposición “Peregrinatio. O Camiño de San Francisco a Santiago”. Esta exposición audiovisual, composta de 50 fotos máis un audiovisual, é froito da viaxe realizada polo fotógrafo Manuel Valcárcel e o músico Alexandro González, seguindo a mesma ruta que desde Italia percorreu San Francisco ata chegar a Santiago de Compostela.