O Concello de Ponteareas suministra auga potable aos veciños da traída de augas augas de Casal, en Guláns. Nestes intres tamén traballa nas posibles vías de suministro de auga á traída de augas do barrio de Porto, en Guláns, xa que foi imposible o acceso da cisterna á zona do depósito.
Ademais, o Concello está a proceder á retirada de árbores da estrada do barrio da Ermida, en Pías e atende ás chamdas dos veciños e veciñas afectados polos incendios.
Nos vindeiros días, o Alcalde, a Concelleira de Seguridade Cidadá e o Concelleiro de Medio Rural, acompañados de técnicos municipais, visitarán as parroquias e zonas afectadas para avaliar os danos producidos polos incendios para, entre outras xestións, trasladarllos ao Presidente da Xunta de Galicia. Cos datos recollidos dos danos desta catástrofe o Alcalde de Ponteareas demandará os apoios necesarios ao Presidente do Goberno e ao Presidente da Xunta tal e como xa fixo o pasado luns día 16 no encontro mantido no posto de mando de Pazos de Borbén.
A partir de mañá xoves día 19 o Concello de Ponteareas habilitará un número de teléfono e un enderezo electrónico para atende aos afectados e afectadas polos incedios; ademais no concello haberá unha persoa para atender aos cidadáns que prefiran achegarse ata a casa do concello.
O concello de Ponteareas está a organizar diferentes encontros con voluntarios e veciños para recollida de información e avaliar a posibilidade de traballar de xeito conxunto con propietarios, comunidades de montes, comunidades de augas e todo aquel interesado na recuperación dos terreos afectados. Demandará os apoios necesarios para paliar esta situación de catástrofe.