O departamento de medio ambiente do concello de Ponteareas, que dirixe o Alcalde Xosé Represas, en colaboración coa empresa FCC e coa concellería de Benestar Social convida a todas as familias a participar nas actividades medioambientais nas que non é preciso inscribirse, tan so ter ganas de aprender xogando, e que son totalmente de balde.
Dirixidas a cativos e cativas a partir de catro anos que deben asistir acompañados dun adulto estas actividades pretenden facer recapacitar aos participantes da importancia de reciclar, de reutilizar e, sobre todo, reducir os residuos que xeramos.
Baixo o lema de recapacita, reinventa e recupera as técnicos medioambientais apoidas por voluntarios/as ensinarán ás familias os procesos de compostaxe, medidas para producir menos lixo e residuos, ideas creativas para realizar xoguetes con materiais de refugallo e a importancia de respetar o medio natural sen invadilo cos restos que prexudican tanto a nosa saúde como a da natureza.
As actividades desenvolveránse en distintos martes ao longo do verán. As primeiras citas serán o martes día 17 ás 11:30 e o martes día 31 de xullo no parque da Feira Vella para continuar en agosto o martes 14 ás 11:30 horas no parque das Pombas e o martes 28 ás 11:30 horas no parque forestal Ferro Ucha.
O concello recorda que todos e todas as cativas deben asistir acompañados por un adulto xa que é unha actividade dirixida a familias.
A concelleira de Benestar Social e Mocidade, Verónica Carrera, salienta a importancia de concienciar e facer partícipes e responsables a toda a cidadanía, sobre todo, dende idades ben temperás para axudar a construir un futuro mellor máis sostible e solidario para Ponteareas.