Gran éxito da Festa do Samaín en Ponteareas, organizada pola Concellería de Cultura, á que asistiron 
centos de persoas. Os nenos e familias de Ponteareas puideron gozar dunha xornada lúdica para celebrar a festa do Samaín, que tivo lugar o día 30 de outubro na Praza da Perillana, onde Carcajadas Show fixo as delicias dos máis pequenos, a través de xogos, obradoiros e outras actividades de animación. Houbo tamén um magosto gratuíto dentro dun ambiente festivo con ambientación musical, que tivo como colofón o lanzamento de dous globos de papel conmemorativo, que deixou atónitos a grandes e pequenos.
O edil de Cultura quere, así mesmo, darlle as grazas ao persoal do Departamento de Cultura e a todos os establecementos que colaboron en facer posible esta festa para goce de todos os ponteareáns.
