A Biblioteca Pública Municipal de Ponteareas celebrará o Día da Biblioteca, día 24 de outubro, cunha exposición de debuxos realizados polos nenos e nenas de todos os colexios de primaria de Ponteareas, con idades entre 6 e 12 anos. Esta exposición farase cos traballos do alumnado despois da lectura na clase dun libro e facer un debuxo sobre o mesmo, participando así mesmo nun concurso, que ten tres categorías. A primeira categoría está dirixida aos cursos de primeiro e segundo de primaria e terá 3 premios consistentes en lotes de libros e na segunda categoría participan os nenos de terceiro e cuarto de primaria, sendo obsequiados os premiados con lotes de libros. Na terceira categoría poden participar os nenos e nenas de quinto e sexto de primaria, obtendo o primeiro premio unha táblet e o segundo e terceiro senllos lotes de libros.
O concelleiro de Cultura, Andrés Sampedro Fernández, quere agradecer a colaboración dos centros de ensino e do alumnado nesta actividade de fomento da lectura e da creatividade, así como de achegamento á Biblioteca Pública Municipal.