Axúdanos a manter unha vila máis limpa

A concellería de Medio Ambiente, que dirixe Rosa Covelo, convida a cidadanía a facer uso dos servizos do punto limpo e da recollida de enseres. Os dous son totalmente de balde e cunha simple chamada podes saber que facer con cada residuo. A concellería de Medio Ambiente informa que a cidadanía dispón cada venres do servizo de recollida de enseres e recomenda deixalos xunto ao contedor entre as 21 horas dos xoves e as 07:00 horas dos venres xa que o servizo de recollida se produce a primeira hora das mañás dos venres. Cunha soa chamada ao 986 640 307 poderás resolver a xestión gratuíta do teu lixo.