A concellería de Cultura, xestionada por Hortensia Bautista, ten previstas actividades que se desenvolverán en Axencias de Lectura e Casas Culturais de diferentes parroquias
As Axencias de Lectura e as Casas Culturais do Concello de Ponteareas desenvolverán diferentes actividades ao longo de diversas xornadas durante a segunda quincena do mes de setembro.
Trátanse de talleres dirixidos a nenos e nenas maiores de cinco anos nos que aprenderán a elaborar traballos manuais e que, asemade, servirán como escusa para invitalos a coñecer o Museo Municipal, realizar actividades relacionadas co medio ambiente e practicar varios xogos populares.
Dende a concellería de Cultura, dirixida pola edil Hortensia Bautista, quérese facer un chamamento a participar nunhas actividades que terán lugar en Axencias de Lectura e Casa Culturais de diferentes parroquias. Para máis información é posible chamar ao número de teléfono: 672 105 468.