Arredor de 150 nenos e nenas participan nas distintas actividades das Escolas Deportivas de Verán do Concello de Ponteareas.
Durante os meses de xullo e agosto as Escolas deportivas de Verán, dependentes da Concellería de Deportes, ofertan baloncesto, bádminton, billar, ioga, fútbol sala, patinaxe, taekwondo, tenis e wu shu.
Planificadas en horario de mañá e tarde para garantir a máxima cobertura e flexibilidade as actividades deportivas realízanse no pavillón Álvaro Pino, na escola de billar do C.A Sportivo, no Colexio Ramiro Sabell, na Freixa ou no Colexio Fermín Bouza Brey.
O concelleiro de Deportes, Benito Márquez, explica que as actividades deportivas fanse en colaboración cos distintos clubes como o Club Baloncesto Condado, a Escola Billar C.A Sportivo, o Club Fútbol en 40 x 20, o Club de Patinaxe Luar, Salus, o Club Bádminton Ponteareas, o Club Tenis Ponteareas, a Asociación Deportiva Wudang ou o Club Sport Factory.
Concello de Ponteareas
Xardins da Xiralda SN -Ponteareas C.P:36860
Pontevedra / telf: 986 64 00 00 - 986 64 00 00 50
Aviso Legal | Proteccion de datos | Uso de cookies