A concellaría de Saúde de Ponteareas, que dirixe a alcaldesa en funcións Cristina Fdez. Davila, informa que a unidade móbil de doazón de sangue visitará Ponteareas este luns 29 de marzo.

En horario de 10 a 14:30 h e de 16:30 a 21 horas, o autobús da Axencia de Doazón de Órganos e Sangue (ADOS) situarase na Avenida de Galiza, na parte traseira da Casa do Concello. Para maior axilidade, é recomendable pedir cita no teléfono 900 100 828. A concelleira de saúde lembra que todas as persoas maiores de 18 anos e cun peso mínimo de 50 kgs poden doar sangue, un ben escaso que ten pouca duración.

“Cada día os hospitais galegos precisan entre 400 e 500 doazóns de sangue para manter a súa actividade, polo que a nosa colaboración é fundamental. Con tan só uns minutos do noso tempo estaremos axudando a moitas persoas que dependen de nós”, indicou Cristina Fdez. Davila.