A concellería de Benestar Social, Igualdade e Mocidade que dirixe Verónica Carrera remata as obras de instalación da cuberta do patio da escola infantil.
Benestar Social ultima esta obra logo de obter unha axuda da Consellería de Política Social da Xunta de Galicia a través dos fondos FEDER da Unión Europea por valor de 15.000€ para a instalación de varios toldos de estrutura triangular que cubren arredor de 140 metros cadrados con dous toldos retráctiles e tres fixos de cores variadas.
Carrera adianta que en canto a climatoloxía o permita estenderanse os toldos desta estrutura tan demandada por esta comunidade escolar e tan necesaria tanto para garantir a sombra na tempada estival como para protexerse da chuvia.
O alumnado da escola infantil contará con máis espazo para o seu tempo de lecer e para as actividades ao aire libre.