A oficina municipal de voluntariado, dependente da concellería de Mocidade que dirixe Miguel Bouzó, convida a toda a veciñanza (adultos e nenos e nenas) a participar nas actividades medioambientais “Xoga e aprende do medio ambiente” que terán lugar o xoves día 8 e o xoves 22 de agosto no parque das Pombas de 10:30 a 12:00 horas.
A través de distintos xogos adentraránse no mundo dos residuos, da natureza e do plástico sempre co obxectivo de concienciar para vivir nun concello máis sostible, reducindo o emprego do plástico, contribuíndo na reciclaxe e aprendendo a reutilizar os nosos residuos.
Todos e todas as que queiran obter máis información poderán facelo a través do número de teléfono 687 764 516 ou no enderezo electrónico voluntariado@ponteareas.gal.
Estas actividades son totalmente de balde.