Venres polo Planeta volve para limpar mañá a contorna da praia da ponte das Partidas. Apúntaste?

A concellería de Mocidade, que dirixe Miguel Bouzó, convida á mocidade a participar na limpeza voluntaria do río Tea que terá lugar mañá martes de 11 a 13 horas e o venres día 28 de 16:30 a 18:30 horas. O lugar de encontro será, ámbolos dous días, a praia da ponte das Partidas. 

Esta actividade enmárcase dentro da iniciativa Venres polo Planeta que materializa con distintas accións o compromiso de protexer o medio ambiente. Nesta ocasión recoméndase levar, ademais de luvas e botas, un pao de vasoira ou similar cun gancho na punta para poder chegar aos plásticos que, lamentablemente, penduran das ramas das árbores. 

Para participar só tedes que chamar ao número de teléfono 687 764 516 ou enviar un mail a voluntariado@ponteareas.gal