A concelleira de Ensino, Cristina Fernández, e o alcalde de Ponteareas, Xosé Represas, entregaron os premios do concurso de fotografía “Ponteareas e a saúde” enmarcado na IV edición da Semana das Ciencias.
Cristina Fernández en nome de todo o goberno felicita a Carmen Covelo Méndez, alumna do CEIP Feliciano Barrera de Guláns; a Itahisa Navarro Muñoz, alumna do IES Do Barral e a Marta Álvarez Álvarez, alumna do CEIP Feliciano Barrera de Guláns polos seu primeiro, segundo e terceiro premio, respectivamente.
A concelleira salienta a importancia de involucrar á mocidade e á infancia no futuro da súa cidade.
Fernández Davila traslada tamén o seu agradecemento ao alumnado participante que fai posible este concurso, así como a todo o profesorado implicado e aos membros do xurado.
As fotografías participantes puidéronse ver no marco da IV Semana das Ciencias na sala multiusos do auditorio municipal Reveriano Soutullo.