A actuación, ao abeiro do programa Cultura 24, será de balde este 19 de novembro ás 20.30 horas na Centro Cultural de Moreira
Ponteareas prepárase para unha fin de semana de risas. O programa Cultura 24 do Concello de Ponteareas levará este sábado 19 de novembro á Casa Cultural de Moreira ao grupo de teatro Pedra do Cabalo, de Celeiros, que se subirá ao escenario para representar a obra ‘Menú degustación’, un novo enredo cómico que fará gozar ao público dunha tarde de lecer e risas para todas as idades. A actuación será ás 20.30 horas e de balde.
O concelleiro de Cultura, Fernando Groba, convida a todas e todos os ponteareáns “a achegarse ata Moreira para desfrutar dunha nova tarde de lecer ao abeiro do programa de actividades do Cultura 24, unha iniciativa coa que buscamos ofrecer á veciñanza concertos, teatro…, en definitiva, un amplo abano de actuacións gratuítas coas que ao mesmo tempo dinamizamos as nosas 24 parroquias, lle damos visibilidade ás nosas agrupacións musicais, teatrais e culturais e promocionamos todo tipo de arte”.