A bandeira do Orgullo Gay luciu no palco consistorial durante toda a xornada do domingo
Varios representantes do goberno municipal manifestaron os seu apoio aos postulados do movemento diante da Casa do Concello
A bandeira do Orgullo Gay presidiu o palco da Casa do Concello de Ponteareas durante a xornada do pasado domingo, 28 de xuño, con motivo da celebración do Día Internacional do Orgullo LGTB (Lesbianas, Gays, Transexuais e Bisexuais).
O izado da bandeira do arco iris tivo como obxectivo mostrar o apoio deste goberno municipal, a través da concellería de Igualdade que xestiona Verónica Carrera, aos postulados que defende este movemento e, asemade, amosar un firme compromiso coa igualdade e un total respecto por todas as opcións sexuais.