O acordo, aprobado por unanimidade da Corporación, será de aplicación en 2020 e 2021
O Pleno extraordinario do Concello de Ponteareas, celebrado este martes, aprobou por unanimidade unha bonificación do 95% da taxa municipal de terrazas de hostalaría. “Unha medida de apoio á hostalaría diante da crise do coronavirus”, manifestou a concelleira de Promoción Económica, Eva Gil, medida que previamente xa fora tratada nunha reunión cos representantes da hostalaría e cos portavoces de todos os grupos da Corporación Municipal.
Este cambio na normativa municipal estará vixente no que resta de 2020 e todo o ano 2021. Unha medida que acompaña á flexibilización na ampliación do espazo a ocupar na vía pública polas terrazas para que o sector poida cumprir as distancias da seguridade sanitaria co menor prexuízo para os negocios. “Queremos facilitar que se poidan manter ás mesas habituais, que agora precisan máis espazo, e contribuir á reactivación económica dos establecementos que estiveron pechados durante tres meses”