Esta actividade estivo programada polo Ministerio de Agricultura, Alimentación y Medio Ambiente, co gallo da celebración de aniversario dos barcos Vizconde de Eza e Emma Bardán.
Os rapaces e rapazas maiores de 12 anos da ludoteca municipal de Ponteareas coñeceron as instalacións, funcionamento e actividades que desenvolven ambos buques adicados ao estudo dos mares. Coa realización destas xornadas quixeron dar a coñecer parte da labor que se realiza en beneficio do conxunto do sector pesqueiro e da sociedade, en xeral.
Estes buques están deseñados para o desenvolvemento de Campañas de Investigación Científica coa finalidade de coñecer millor os nosos mares, o estado dos recursos e así realizar unha xestión eficaz dos mesmos. Os seus traballos baséanse na obtención de datos biolóxicos, no investigación dos ecosistemas mariños e nunha millor caracterización do releve e composición dos fondos mariños así coma súa actividade sísmica, a partir do estudo da batimetría e das características xeolósicas e xeofísicas dos mesmos.
Os capitáns dos respectivos barcos e a mariñeiría esforzáronse por facer accesible a eles a información técnica e amosáronse en todo momento atentos e servizais. Ensináronlle non só aspectos científicos e laboratorios senón que tamén amosaron os camarotes, os sanitarios, enfermería, comedor, así como as salas de mando ou de máquinas.
Ademáis, agasallaron aos nenos cunha bolsiña que contiña un interesante libro sobre o pescado e un pendrive. Os cativos e cativas da ludoteca municipal de Ponteareas gozaron moito desta saída, na que ademáis gozaron dun día soleado.