Obradoiros prácticos de: selección persoal, entrevista de traballo e obradoiros de busca de emprego en internet

PRENSA-OBRADOIROS 2014Dende a concellería de emprego e desenvolvemento local, dirixida por Marisol Valado, ofrecerase a partir do mes de marzo talleres prácticos de emprego, dirixidos a todas aquelas persoas interesadas en ampliar as opcións de inserción laboral.

Tras haber impartido en anteriores veces ditos obradoiros prácticos, novamente dende este  servizo,  impartiranse novamente os seguintes obradoiros: “Selección de Persoal  e entrevista de traballo” e  “Busca de emprego en Internet”; ambos con xeito gratuíto e destinados a  todos/as  interesados/as.

Esta actividade desenvolverase en horario de tarde, no Centro de desenvolvemento Local, en Ribadetea, e será  gratuíto.Todas as persoas interesadas en apuntarse deben facelo chamando ao  teléfono 986 661050 o 609 452424, en horario de 9:00  a 14:00.

Dende a posta en marcha dun  novo servizo de apoio aos desempregados, en outubro do 2013, foron atendidas máis de 275 persoas, aos que se lles prestou asesoramento e información en materia de emprego, ofertas de traballo, convocatorias públicas, becas,.. e tamén formación regrada e non regrada.

Este servizo pode solicitarse de xeito individual, chamando aos números  arriba indicados, ou ben utilizando os taboleiros de anuncios situados neste Centro, ónde atoparán información sobre todas as materias mencionadas.