Este sábado día 3 de xuño a partir das catro da tarde comezan os actos previos ao Rally Sur do Condado
Concertos e exposición de coches son algúns dos ingredientes que o Concello de Ponteareas, a través da Concellería de Comercio, e a Escudería Surco engaden aos actos previos á celebración do Rally Sur do Condado o vindeiro 8 de xullo.
Deste xeito, este sábado día 3 de xuño a partir das catro da tarde todos aqueles que se acheguen polo Paseo Matutino de Ponteareas atoparán unha exposición de coches de rally dos pilotos da escudería que participan no Campionato Galego de Rallis e tamén coches clásicos e históricos de rallie.
A partir das 20:00 horas comezará o concerto de A Banda de Mazinger. O Rallye Sur do Condado, que ano pasado contou con 150 inscritos, levará o espectáculo da competición do motor aos concellos de Salceda, Salvaterra, As Neves, Arbo, A Cañiza Covelo e Mondariz o vindeiro día 8 de xullo.
A escudería Surco quere agradecer ás casas comerciais: Cafetería Balú, Hamburguesería La Burguer, Restaurante Castelo, Transportes Augusto, Recambios Tea e Motorsport Talleres AMF a súa colaboración.
A concelleira de Comercio, Inés Vidal, destaca a importancia de apoiar ás iniciativas das asociación e colectivos da vila e aposta pola unión de esforzos como modelo de traballo, “dende a concellería que dirixo traballamos na liña do reforzo de grupo e somos conscientes que para obter mellores resultados é sempre indispensable sumar fortalezas, dende o momento en que as necesidades son comúns a axeitado e sumar fortalezas”.