O mellor do bádminton infantil se dá cita en Ponteareas

presentación-trofeo-badminton-infantilOs Xardíns da Xiralda foron testemuña da presentación do Trofeo Escolar Zona Condado de bádminton infantil, que terá lugar no pavillón Álvaro Pino o sábado 11 de abril. Un campionato no que participarán 80 nenos de entre 6 e 12 anos de idade e que foran seleccionados ao longo dos últimos tres meses de entre cerca de 2.000 cativos de distintos centros educativos e clubes da comarca. O torneo dará comezo ás 10 da mañá.

O acto contou coa presenza do alcalde de Ponteareas, Salvador González, do concelleiro de Deportes, Alberto Novoa e do presidente do Clube de Bádminton Ponteareas, Víctor Lemos.

Este é o primeiro dunha ampla programación de eventos que o Clube Bádminton Ponteareas ten previsto organizar nos próximos meses. O sábado 18 de abril celebrarase a Copa Deputación de Pontevedra en modalidade individual, o sábado 2 de maio terá lugar o torneo zonal escolar Condado-Baixo Miño e o sábado 16 de maio o pavillón Álvaro Pino será o escenario do Campionato Provincial Escolar.