As agrupacións actuarán o sábado 27 en distintos lugares do núcleo urbano
“Unha boa oportunidade para disfurtar da tarde-noite do sábado en Ponteareas coa mellor música jazz”, afirma Hortensia Bautista.
Ponteareas volve a contar co Festival de Jazz o vindeiro sábado 27 de agosto, unha iniciativa da asociación de hostaleiros local, que correu coa súa organización nos anos anteriores, e que neste ano 2016 asume integramente o Concello, “Asumimos a organización deste festival co obxectivo de acadar un bo nivel de calidade, dar oportunidade a novos músicos e animar a actividade musical e cultural” manifestou o alcalde de Ponteareas, Xosé Represas
Para dar continuidade ao Festival de jazz, e evitar a súa desaparición, o goberno local asume a organización dándolle un xiro concentrando os diferentes grupos en tres enclaves afastados do tráfico onde prime a audición musical para ofrecer aos ponteareáns, e visitantes unha tarde-noite onde podan disfrutar de boa música, que tamén resultará positiva para a hostalería.
“Consideramos oportuno asumir o Festival de Jazz porque xa viña sendo nos últimos anos unha cita agardada e un referente na música no mes de agosto, en Ponteareas. Este ano concéntranse as actuacións no sábado pero a intención é ampliala a máis días e a outras zonas do núcleo urbano e con máis actividades”, afirmou Hortensia Bautista.
Detalle das formacións participantes no festival
David Regueiro (trío)
20:00 h. en Ponteareas Cidade
Guitarrista especializado no estilo manouche (jazz creado polos músicos xitanos do norte de Europa e popularizado polo gran Django Reinhardt).
F.I.L.O.
21:00 h Ponteareas cidade
Un trío de son poderoso que fan improvisación libre moi cercano ao rock composto por tres do mais recoñecidos músicos galegos neste estilo:
Saúl Puga contrabaixo,
Pablo Rega guitarra eléctrica e
L.A.R. Legido batería e obxectos sonoros
Apple Three
22:00 h. Xardíns do Concello
Trío formado por: Narci Rodríguez voz,
Marcos Pin guitarra,
Pablo Castaño saxofón.
Os tres son ben coñecidos na escena do jazz galego con diferentes proxectos musicais. Jazz no estilo americano coa voz de protagonista.
SHIVA
23:00 h Praza Maior
- Lucas M. Suarez de Centi- Vibráfono
- Miguel Fernández- Batería
- Pablo Patiño- Contrabaixo
Alberto Vilas Cuarteto e Diana Tarín
24:00 h. Praza Maior
Alberto Vilas é un pianista de formación clásica que virou cara o jazz que compón unha música chea de delicadeza e bo gusto. Un bo fin de festa con Diana Tarín na voz
